Өксөкүлээх сардаҥата аахсыйа

Кулун тутар 16 күнүгэр Абый улууhун кииннэммит библиотеката сыл ахсын ыытыллар "Өксөкүлээх сардаҥата - Свет Кулаковского" аахсыйаҕа кытынна. Бу тэрээһин саха норуотун чулуу биллиилээх суруйааччы, общественнай диэйэтэл уонна Саха литературатын төрүттээччилэртэн биирдэстэрэ Өксөкүлээх Өлөксөй (Алексей Елисеевич Кулаковский) төрөөбүт күнүгэр ананар. Бу күн библиотека үлэһиттэрэ уонна кэлбит ыалдьыттар классик сырдык аатын кэриэстээн, кини улуу айымньыларыгар сүгүрүйэн, чүмэчилэри уматтылар.

Библиотекалар бу күҥҥэ аналлаах тэрээһини тэрийэн, Өксөкүлээх айымньыларын ураты кэрэтин, дириҥ ис хоһоонун билиһиннэрдилэр. Ааҕааччылар, оскуола оҕолоро Өксөкүлээх айымньыларын туһунан кэпсэтиигэ актыыбынайдык кытыннылар. Кинилэр кини хоһооннорун уус-ураннык аахтылар, айар үлэтин уратытын ырыттылар уонна саха литературатын кэскилин туһунан санааларын үллэһиннилэр.

Өксөкүлээх Өлөксөй саха литературатын сайдыытыгар оҥорбут кылаата олус улахан. Кини айымньылара норуот өйүн-санаатын, тыыннаах тылын уонна олоҕун чаҕылхайдык көрдөрөн, кэлэр көлүөнэлэргэ улуу нэһилиэстибэни хаалларбыта. "Өксөкүлээх сардаҥата" аахсыйа сыллата кини улуу аатын үйэтитиигэ, айар үлэтин ааҕааччыларга тиэрдиигэ улахан суолталаах. 

Библиотекаларга Өксөкүлээх Өлөксөй олоҕун уонна айар үлэтин сырдатар кинигэ быыстапкалара турдулар.